RR vs GT Final: રાજસ્થાન રોયલ્સના 8 ભૂતપૂર્વ ખેલાડીઓ આવ્યા ફાઈનલ જોવા, મોહમ્મદ કૈફે કહી આ વાત

વર્ષ 2008માં રાજસ્થાન રોયલ્સનો ભાગ બનેલા 8 ખેલાડીઓ ગુજરાત ટાઇટન્સ અને રાજસ્થાન રોયલ્સ વચ્ચેની ફાઇનલ મેચ જોવા અમદાવાદના નરેન્દ્ર મોદી સ્ટેડિયમમાં આવ્યા હતા. IPLની પ્રથમ સિઝનમાં રાજસ્થાન રોયલ્સનો ભાગ રહેલા મોહમ્મદ કૈફે તે 8 ખેલાડીઓ સાથે સોશિયલ મીડિયા પર એક પોસ્ટ કરી હતી.

‘જરૂર પડે તો મેદાનમાં ઉતરવા તૈયાર’

આ પોસ્ટમાં રાજસ્થાન રોયલ્સના પૂર્વ ખેલાડી મોહમ્મદ કૈફે લખ્યું છે કે જો ટીમના કેપ્ટન સંજુ સેમસનની જરૂર પડશે તો તે મેદાનમાં ઉતરવા તૈયાર છે. તેણે આગળ કહ્યું, ‘તમે મારા પર વિશ્વાસ કરો, હું બોલને બહાર જવા નહીં દઉં.’ મોહમ્મદ કૈફની સાથે રાજસ્થાન રોયલ્સ (RR)ના ભૂતપૂર્વ ખેલાડીઓ મુનાફ પટેલ, સિદ્ધાર્થ ત્રિવેદી, યુસુફ પઠાણ, સ્વપ્નિલ અસનોડકર, પરાગ મોરે, દિનેશ સાલુંખે અને અનૂપ રેવંડકર પણ મેચ જોવા આવ્યા હતા.

નોંધપાત્ર રીતે, મોહમ્મદ કૈફને તેના સમયમાં સૌથી તેજસ્વી ફિલ્ડર માનવામાં આવતા હતા. આ સોશિયલ મીડિયા પોસ્ટમાં મોહમ્મદ કૈફે કહ્યું કે તે હજુ પણ પોઈન્ટ પર ફિલ્ડિંગ કરી શકે છે. તે જ સમયે, તેણે કહ્યું કે તે ક્યારેય બોલને તેની પાસેથી જવા દેશે નહીં.

Sanju if needed just shout out, 8 champion Royals are in the house. I can still field at point. Trust me ball nahi nikalne dunga. Let's do it for Warnie boys. #iplfinals ⁦@rajasthanroyals⁩ pic.twitter.com/lsfL8Wyn4H

— Mohammad Kaif (@MohammadKaif) May 29, 2022

સંજુ સેમસન ટીમનું કર્યું વખાણ

ગુજરાત ટાઇટન્સે રાજસ્થાન રોયલ્સને 7 વિકેટે હરાવી IPL ટાઇટલ જીત્યું હતું. તે જ સમયે, આ સિઝનમાં હાર બાદ રાજસ્થાન રોયલ્સનું 2008 પછી બીજી વખત આઈપીએલ ટાઈટલ જીતવાનું સપનું ચકનાચૂર થઈ ગયું છે. જો કે આ મેચ હાર્યા બાદ ટીમના કેપ્ટન સંજુ સેમસને ટીમના વખાણ કર્યા છે. તેનું માનવું છે કે તેની ટીમે સિઝનમાં સારું પ્રદર્શન કર્યું છે.

આ પણ વાંચો-

ફાઇનલમાં ગુજરાત ટાઇટન્સની જીત બાદ પંડ્યાના થઇ રહ્યાં છે વખાણ, જાણો કોણે શું કહ્યું

IPL 2022: ફાઈનલ મેચમાં હાર્દિકને આઉટ થતાં જ ચહલે બનાવ્યો ખાસ રેકોર્ડ, જીતી પર્પલ કેપ