કોણ બનશે બ્રિટનના વડા પ્રધાન
UK Political Crisis: બ્રિટિશ વડા પ્રધાન બોરિસ જોન્સન (Boris Johnson) આખરે ગુરુવારે કન્ઝર્વેટિવ પાર્ટી (ટોરી) ના નેતાના પદ પરથી રાજીનામું આપવા માટે સંમત થયા હતા. જો કે નવા નેતાની પસંદગી ન થાય ત્યાં સુધી તેઓ વડાપ્રધાન પદ પર રહેશે. ડાઉનિંગ સ્ટ્રીટથી પ્રાપ્ત સમાચારમાં આ માહિતી આપવામાં આવી છે. કન્ઝર્વેટિવ પાર્ટી (Conservative Party) ના નવા નેતાની પસંદગીની પ્રક્રિયા પૂર્ણ ન થાય ત્યાં સુધી જ્હોન્સન 10 ડાઉનિંગ સ્ટ્રીટનો હવાલો સંભાળશે. પાર્ટીનું સંમેલન ઓક્ટોબરમાં યોજાનાર છે. તેઓ ગુરુવારે જ તેમના રાજીનામાની ઔપચારિક જાહેરાત કરે તેવી શક્યતા છે.
આ સમાચાર આવ્યાના થોડા સમય પહેલા જ દેશના નવા નાણામંત્રી નદીમ જહાવીએ જોન્સનના રાજીનામાની માંગ કરી હતી. જ્હોન્સન દ્વારા તેમને નવા નાણાં પ્રધાન તરીકે નિયુક્ત કર્યાના 36 કલાક પછી જ તેમણે આ માંગણી કરી હતી. જાહવીએ જ્હોન્સનના નેતૃત્વ પર સવાલ ઉઠાવતો પત્ર લખ્યો અને કહ્યું, “વડાપ્રધાન, તમે તમારા હૃદયમાં જાણો છો કે યોગ્ય પગલું શું હશે, હવે જાઓ.” તે જ સમયે, હવે પ્રશ્ન એ છે કે બોરિસ જોન્સન પછી બ્રિટનના આગામી વડા પ્રધાન કોણ હોઈ શકે છે? વડાપ્રધાનની રેસમાં ઘણા નામો છે, જેમાંથી અમે તમને કેટલાક મુખ્ય નામો વિશે જણાવી રહ્યા છીએ.
ઋષિ સુનકનું નામ સૌથી આગળ
ભારતીય મૂળના ઋષિ સુનક યુકેના વડાપ્રધાન પદની રેસમાં સૌથી આગળ છે. જોન્સનના ચૂંટણી પ્રચારમાં ઋષિ સુનકે મહત્વની ભૂમિકા ભજવી હતી. મોટાભાગે તેઓ પ્રેસ બ્રીફિંગમાં પણ જોવા મળતા હતા. ઘણી વખત એવું બન્યું છે કે જ્યારે બોરિસને બદલે ઋષિએ ટીવી ડિબેટમાં ભાગ લીધો હતો. 2015માં તેઓ પહેલીવાર સાંસદ બન્યા હતા. બ્રેક્ઝિટને મજબૂત ટેકો આપીને તેઓ તેમના પક્ષમાં ગણનાપાત્ર બળ બન્યા. તેમણે બ્રિટનને યુરોપિયન યુનિયનમાંથી બહાર કાઢવાની બોરિસ જોન્સનની નીતિને ટેકો આપ્યો હતો. ઋષિ સુનકના દાદા-દાદી પંજાબના રહેવાસી હતા. તેમણે ઈન્ફોસિસના સ્થાપક એનઆર નારાયણ મૂર્તિની પુત્રી અક્ષતા મૂર્તિ સાથે લગ્ન કર્યા છે. તેમને બે દીકરીઓ છે. તેની લોકપ્રિયતા હોવા છતાં, સુનકે તેની પત્ની અક્ષતા સામે કરચોરીના આરોપોને કારણે ટીકાઓનો પણ સામનો કરવો પડ્યો હતો.
આ છે પીએમ પદના બાકી દાવેદાર
આ યાદીમાં આગળનું નામ લિઝ ટ્રસનું છે. 46 વર્ષની લિઝ ટ્રસનું પૂરું નામ એલિઝાબેથ મેરી ટ્રસ છે. તે સાઉથ વેસ્ટ નોર્થફોક માટે સાંસદ છે. લિઝ ફોરેન કોમનવેલ્થ અને ડેવલપમેન્ટ અફેર્સ સેક્રેટરી છે. આ દિવસોમાં તેઓ ખૂબ જ લોકપ્રિય છે. ટ્રસ બે વર્ષ માટે આંતરરાષ્ટ્રીય વેપાર સચિવ પણ રહી ચૂક્યા છે. ગયા વર્ષે તેમને યુરોપિયન યુનિયન સાથે વાટાઘાટો કરવાનું મહત્વનું કાર્ય સોંપવામાં આવ્યું હતું. વડાપ્રધાન પદની રેસમાં આગળનું નામ જેરેમી હંટનું છે. 55 વર્ષીય વિદેશ સચિવ 2019ની ચૂંટણીમાં બીજા સૌથી લોકપ્રિય નેતા હતા. તેમની જાહેર છબી દોષરહિત રહી છે. પાર્ટીના લોકોને વિશ્વાસ છે કે જેરેમી કોઈ પણ પ્રકારનો વિવાદ ઉભો કર્યા વિના સરકારને ગંભીરતાથી ચલાવશે.
ઈરાકથી શરણાર્થી તરીકે આવેલા નદીમ જહાવી પણ રેસમાં
પીએમ પદના દાવેદારોમાં નદીમ જહાવીનું નામ પણ સામેલ છે. સુનાકના રાજીનામા પછી, જોન્સને નદીમ જહાવીને નવા નાણાં પ્રધાન તરીકે નિયુક્ત કર્યા. નદીમ નાનો હતો ત્યારે તેનો પરિવાર ઈરાકમાંથી શરણાર્થી તરીકે બ્રિટન આવ્યો હતો. 2010માં તેઓ પહેલીવાર સાંસદ બન્યા હતા. નદીમ જહાવીએ તાજેતરમાં કહ્યું હતું કે જો હું બ્રિટનનો વડાપ્રધાન ચૂંટાઈશ તો તે મારું સૌભાગ્ય હશે. પૂર્વ રક્ષા મંત્રી પેની મોર્ડેન્ટ પણ વડાપ્રધાન બનવાની રેસમાં છે. છેલ્લી ચૂંટણીમાં હંટને સમર્થન આપવા બદલ જોહ્ન્સન દ્વારા પેનીને સરકારમાંથી દૂર કરવામાં આવ્યા હતા. પેની યુરોપિયન યુનિયન છોડવાની તરફેણમાં મોખરે હતા. તેઓ હવે જુનિયર વેપાર મંત્રી છે.
સંરક્ષણ પ્રધાન બેન વોલેસ પણ પ્રબળ દાવેદાર
પીએમ પદના દાવેદારોમાં આગળનું નામ બેન વોલેસનું છે. બેન વોલેસ સંરક્ષણ પ્રધાન છે. તેમણે બ્રિટિશ રોયલ આર્મીમાં સેવા આપી છે. તે રુસો-યુક્રેન યુદ્ધમાં બ્રિટનના વલણને લઈને ચર્ચામાં આવ્યા હતા. યુક્રેનને સૈન્ય સહાય પૂરી પાડવામાં તેમની મહત્વની ભૂમિકા છે. તેમની રાજકીય સફર 1999માં શરૂ થઈ હતી. 2005માં સંસદમાં પહોંચ્યા. બેન 2016માં હોમલેન્ડ સિક્યુરિટી મંત્રી હતા. તેમણે અફઘાનિસ્તાનમાંથી બ્રિટિશ નાગરિકોને બહાર કાઢવામાં મહત્વની ભૂમિકા ભજવી હતી.
સાજિદ જાવિદ પણ આગામી પીએમ બની શકે
બ્રિટન (Britain) ના આગામી વડાપ્રધાનના દાવેદારોમાં સાજિદ જાવિદ (Sajid Javid) નું નામ પણ સામેલ છે. સ્વાસ્થ્ય સચિવ સાજિદ જાવિદે મંગળવારે મોડી રાત્રે પોતાના પદ પરથી રાજીનામું આપી દીધું હતું. બ્રોમ્સગ્રોવમાંથી ચાર વખત કન્ઝર્વેટિવ પાર્ટીના સાંસદ રહી ચૂકેલા જાવિદ પાકિસ્તાની પરિવારમાંથી આવેલા છે. 2012 માં, જાવિદ મંત્રી તરીકે ચૂંટાયા અને યુકે સરકારમાં બિઝનેસ, કલ્ચર અને હોમ ઓફિસ પોર્ટફોલિયો સંભાળ્યા. સાજિદ જાવિદને બ્રિટનના વડાપ્રધાન પદ માટે પ્રબળ દાવેદાર માનવામાં આવે છે.
ગુજરાતી સમાચાર, બ્રેકીંગ ન્યુઝ ગુજરાતીમાં મેળવો સોંથી પહેલા live gujarati news.com પર, સૌથી વિશ્વસનીય ગુજરાતી સમાચાર વેબસાઇટ પર મેળવો Gujarat Latest News Today, Live Samachar in Gujarati, Gujarati News Live, For more related stories, follow: Gujarati News
અમારા સોશિયલ મીડિયા પ્લેટફોર્મ પર અમારી સાથે જોડાઓ
Facebook | Instagram | Twitter
વાંચવા બદલ તમારો